Experiencia en 3º de primaria

Os alumnos de 3º traballaron ca banda deseñada empregando a App

Photo ComicBubbles 

A actividade comezou creando unha pequena secuencia narrativa en grupo de 2-3 rapaces. A historia tiña que ter polo menos 4 viñetas. Unha vez que tiñan a línea narrativa puxéronse a facer as fotos cos Ipads e cando tiveron rematado esta tarefa puxéronse a crear o comic coa App

Obxectivos que se intentaron traballar con esta actividade:

- Potenciar o traballo en equipo

- Desenrolar a creatividade

- Potenciar habilidades da comunicación escrita coas habilidades plásticas creando historias sinxelas

Aquí  vos deixamos as nosas creacións:

Obradoiros con 2º e 3º de primaria

Ao longo da semana que tivemos os ipads no centro, nos recreos e nas horas de lectura, según o meu horario organicei unha serie de obradoiros para os alumnos do 2º e 3º ciclo de primaria.

Esto foi o que fixemos:

 Debuxar co Ipad (App Pics Art)

  Facer formas con Palabras (App Image Chef)

Facer de publicistas (Pic Collage)

O obxectivo que tiñan estes obradoiros eran que aqueles rapaces que teñen tablets ou ipads en casa saiban que con eles non só se pode xogar senón que tamén poden pasalo xenial facendo traballos moi creativos cos cales podemos adornar os nosos proxectos, libretas, diarios…

A afluencia a estes obradoiros foi moi elevada e sobre todo as ganas de ter máis no futuro fai visible que este é o camiño do futuro posto que a motivación que eles demostran ante este medio e innata e perfecta para intentar mellorar en aqueles aspectos que precisan algunha axuda.

A experiencia nos deixou con ganas

A oportunidade que se expuso no noso centro, dende o meu punto de vista, foi moi positiva. Eu, persoalmente levo xa un tempo metida no uso dos dispositivos; o principal problema que nos atopamos nos centros é a formación que posúen os Mestres. Este motivo é unha das razón con máis peso a hora de rexeitar este material,  posto que este tipo de recurso evoluciona moi rápido, deixándote obsoleto nun curto espazo de tempo . Considero que logo de realizar esta experiencia no meu centro a actitude dos meus compañeiros ante o uso dos Ipads cambiou  considerablemente, vendo os dispositivos móbiles como algo doado e moi motivador por parte dos rapaces.

É certo que sentirse arroupados nas aulas por outra persoa que coñeza o seu funcionamento e saiba resolver as dúbidas que poidan xurdir facilita o traballo , pero creo que este detalle é o comezo, para poder deixar fora  certas opinións ou medos

Os pequenos obradoiros que montamos nos recreos e horas de lectura para os cursos de 2º e 3º ciclo foron moi concorridos, a miña intención era aportar aos nenos algunha ferramenta para que aqueles que tiveran en casa unha tablet puideran ver que hai máis Apps diferentes a xogos, cas que nos podemos pasalo ben e realmente o seu obxectivo foi conseguido e deixar no blogue da biblioteca guías para aquelas persoas que estiveran interesadas en empregar App tiveran un punto de partida.

http://librincios.blogspot.com.es/

Seguro que volveremos a acudir a este recurso nun futuro , posto que a experiencia deixou con ganas de máis tanto a maiores como a cativos

Este artigo foi elaborado por Ana Pérez en maio de 2016

Gymkana cooperativa

Cos alumnos de 5 anos realicei unha pequena gymkana onde empregaron estructuras de traballo cooperativo e o uso do ipad para traballar o as prantas. 

Con motivo do proxecto Voz Natura, este ano polo centro hai pequenos xardíns con diferentes prantas e flores, o obxectivo da actividade era recoñer algunha dos xardíns que nos atopamos no colexio, coñecer a planta, os seus coidados… 

Para ver o desenvolvemento da actividade aiquí vos deixo un pequeno video:

Traballamos con códigos QR from Ana Pérez on Vimeo.

Creamos contos con Creatales

Fai uns días, con motivo do día do libro no meu colexio o  Ceip Serra Vincios tivemos a oportunidade de ter nas nosas aulas 6 Ipads e organizar unha serie de actividades para iniciar aos alumnos e aos mestres no emprego dos dispositivos móbiles na rutina diaria.

Previa chegada dos Ipads ao centro, dende o equipoTIC, e en colaboración ca biblioteca propuxemos centrar as actividades, que propoñiamos aos compañeiros, en crear historias a través de contos ou banda deseñada.

Como os mestres non tiñan moita experiencia con estes dispositivos, eu programei unha serie de sesións dentro da coordinación Tic e  gardas, cos rapaces e os Mestres dos diferentes cursos.

Nun primeiro momento explicamos como funcionaba a App e logo empezaron a crear historias facendo posible que tanto nenos como maiores coñeceran o seu funcionamento.

A maioría dos cursos de primaria empregaron a App Creatales , o seu funcionamento é moi sinxelo e intuitivo e as posibilidades que nos brindan son numerosas

Dependeu do curso o plantexamento da actividade era máis ou menos dirixido

No primeiro ciclo de primaria consistiu en crear pequenas escenas onde os personaxes clásicos eran os protagonistas e eles intentaban representar algún momento da historia.

Con esta App foi moi doado que os rapaces déranse conta de aspectos moi importantes que atopamos nos contos como son: o Autor, as Personaxes, o Título…

 Foi a  partir de terceiro onde o traballo tivo especial relevancia, os obxectivos que nos propuxemos a partir deste nivel foron os seguintes:

-          Comprender e empregar a estrutura narrativa:plantexamento, nó e desenlace

-          Coñecer e usar os principais signos de puntuación

-          Valorar o traballo propio e o dos compañeiros

-          Sentirse parte do grupo e respectar as diferentes opinión como forma para o enriquecemento mutuo

Propúsoxe unha actividade que resultou moi divertida : crear diferentes finais o conto clásico de carapuchiña vermella, aquí vos deixamos algúns deles

Libro de pareados en infantil

Os nenos de infantil elaboraron un pequeno libro de pareados que crearon, 

editaron e ilustraron de maneira conxunta as tres aulas do ciclo. 

Tratouse dun traballo colaborativo e moi interesante. 

Iniciamos este pequeno proxecto levando a aula libros de RA 

que eles puideron manipular e xogar cas súas actividades

Logo crearon eles rimas 

a partir de palabras relacionadas co proxecto dos “Científicos”

 unha vez que tiñan os pareados transcribímolos

 e posteriormente comezamos a ilustrar as páxinas.

Unha ve feito todo este traballo, gravamos os nosos pequenos poemas e pareados ca App AutoRap;

Enlace de descarga premendo na imaxe

Esta App axudounos gravar rimas un pouco más complexas e longas por parte dos alumnos de 3 e 4 anos, con ela cada neno ou parella tiña que dicir unha parte do poema tendo ao final un gran poema colectivo. Cos alumnos de 5 anos gravámos os seus pareados  ca aplicación de cámara do Ipad Imovie.

Unha vez feito todo isto enlazamos as páxinas a un video a través da App Aurasma, creando o noso propio libro de Realidade Aumentada que logo ao final de curso cada neno levará a súa casa

A lupa from Ana Pérez on Vimeo.
O científico from Ana Pérez on Vimeo.

Aprendizaxe experimental

ARTIGO 2. REFLEXIÓN

A idea de utilizar as tablets na aula foi principalmente para traballar determinados aspectos musicais dunha forma nova, distinta e ao mesmo tempo motivadora para o alumnado. Non é habitual traballar con tablets na aula no noso centro e esta foi a primeira vez que realizamos esta experiencia e de seguro que repetiremos xa que resultou moi positiva, innovadora e motivadora para o alumnado que participou nesta actividade. Desta meneira, alumnos que normalmente amósanse pouco motivados e participativos nalgunhas clases, sentíronse enganchados dende o primeiro momento e o resultado final que acadaron na súa actividade foi máis satisfactoria do que nun principio se agardaba.

Esta tamén foi unha moi boa ocasión para ofrecerlles un enfoque distinto das tablets, xa que utilizamos esta actividade para traballar o uso responsable dos dispositivos móbiles e o reflexionar sobre o consumo que fan deste tipo de dispositivos.

A posta en práctica foi moi boa xa que non houbo ningún tipo de problema técnico de conexión, fallos nas aplicacións… polo que o seu traballo dentro da aplicación foi intenso logo da breve explicación do funcionamento básico.

En liñas xerais, en resumo, foi unha actividade moi positiva, motivadora e innovadora para o alumnado xa que desenvolveron a súa creatividade musical a través de aplicacións en dispositivos móbiles.

Miguel Otero

CEIP Outeiro das Penas - Cesantes (Redondela)

Taller de creación musical con APPS

ARTIGO 1. CREACIÓN DE AULA

·         Título: Taller de creación musical con APPS

·         Alumnado e centro educativo: O alumnado que participou neste proxecto foi 2º, 4º, 5º e 6º de E.P. do CEIP Outeiro das Penas de Cesantes en Redondela. 

·         Contido curricular ou competencia clave destacada traballada coa actividade: No que se refire ao contido curricular, esta actividade enmárcase dentro da competencia dixital que rixe a LOMCE. Concretamente, o obxectivo fundamental desta actividade é fomentar o desenvolvemento da creatividade do alumnado a través de aplicacións en dispositivos móbiles (iPads) fomentando situacións de uso responsable e traballando a motivación constante mediante un importante centro de interese do alumnado.

·         Proceso da actividade: O proceso en tódolos casos foi moi semellante: Utilicei un adaptador para iPad para que conectase coa miña PDI e posteriormente explicaba o funcionamento básico da aplicación na pizarra dixital e algunhas das súas utilidades máis destacadas e a continuación comezaba o proceso de creación basado na experimentación de forma práctica (normalmente 1 dispositivo por parella).

·         Creación realizada, é decir, o obxecto final, o producto realizado: pódese ver nos vídeos e presentacións que se amosan a continuación.

            Rematamos este curso cun taller de creación e improvisación musical utilizando as tablets na aula. Tivemos a sorte de contar con 8 tablets iPad cedidas para este proxecto polo CFR de Vigo aos cales damos as gracias. Non puidemos facer o taller con todo o alumnado por horarios pero si con 2ºB, 4ºB, 5º e 6º e este foi o resultado.

5º e 6º: Traballou coa aplicación Garage Band para unha actividade de composición instrumental.

E este foi o resultado final. Fai clic nas imaxes para ver os videos.

    

    

 

2º e 4º: Traballou coa aplicación Vidrhythm para a creación dun mosaico musical con diferentes efectos sonoros.

E este foi o resultado final. Fai clic nas imaxes para ver os videos.

Toda esta información está tamén colocada no blogue de música do noso centro a través do seguinte enlace:

Reflexión de Helen

As utilidades das tablets son moitas, ninguén o dubida. Precisamos de maior traballo con elas na aula, para que non sexan só un instrumento de distracción, e poder aproveitar todo o seu potencial. Gran parte do problema é que os nenos non son quen de organizarse, revisar o traballo feito, cooperar en grupo... Pero a única maneira de conseguir isto é facéndoo e que mellor maneira que empregando algo tan atractivo e intuitivo como son as tables.

Deseñar a actividade foi fácil, unha vez que seleccionei as apps. Poderían levarse a cabo un sinfín de actividades moi atractivas, coas que os alumnos desenvolveran moitas das súas habilidades e capacidades e aprenderan de maneira divertida e máis participativa e individual.

Ao non estar acostumados a empregar este tipo de dispositivos para o fin que lles propuxen (elaborar unha historia, escribir e creala) foi difícil acadar un grao de "perfección" axeitado, xa que ven a tablet coma un xoguete case exclusivamente. Estou convencida que se fose algo máis habitual os resultados serían formidables, tanto do que fan, coma do nivel de aprendizaxe que poden acadar co uso desta tecnoloxía. Sen dispositivos os alumnos dificilmente poderían haber visto o resultado do seu traballo (a non ser que houbera gravado a representación do que fixeron, se lles pedira que representaran a historia, malia que desa forma tamén precisaría o uso das tecnoloxías). Revisar o traballo é esencial para poder realizar cambios, mellorar e aprender.

Sen dúbida a experiencia foi moi frutífera e divertida, os nenos gozaron e aprenderon contidos da aula e desplegaron as súas habilidades artísticas. Colaboraron todos e cada un deles, en pequeno grupo, animándose uns aos outros e aportando todos as súas opinións. Xurdiron pequenos conflitos que tiveron que resolver eles mesmos, pero claramente iso era outra parte da finalidade da actividade.

Helen García
CEIP Otero Pedrayo
Vigo 2016

Historias Colaborativas

CREACIÓN DE AULA

"Historias Colaborativas"

Como fomentar o traballo colaborativo nas nosas aulas é unha cuestión que preocupa aos mestres e é unha difícil tarefa. As vantaxes do traballo colaborativo son múltiples:

-          Os alumnos son responsables do tempo e de organizarse eles mesmos.

-          Fomenta a creatividade e a resolución de conflitos.

-          Interiorización de normas como: respecto pola opinión dos demais, escoita activa, tanto das explicacións coma das propostas dos compañeiros.

-          Gozan e aprenden ao mesmo tempo con propostas e actividades dinámicas.

Normalmente son a falta de tempo e o caos que se produce ocasionalmente o que frea este tipo de iniciativas, así como falta de medios. Neste senso xogan un importante papel as novas tecnoloxías. Desta maneira formulouse unha actividade que combinaba diferentes aspectos da área de lingua e plástica, para abordar tamén as seguintes competencias e traballalas de maneira global: a competencia lingüística e dixital eminentemente, así coma a social e cívica (respecto polos compañeiros, traballo en grupo) e a de iniciativa e emprendemento (para elaborar eles mesmos as súas propias produción e historias).

O grupo no que puiden levar a cabo a actividade foi o grupo de 5º de primaria, un grupo de uns 20 alumnos que dividín en grupos de 4, do CEIP Otero Pedrayo.

Son moitas as app que podemos empregar con fins educativos, pero nesta actividade escollín dúas en concreto: Bamboo Paper e Puppet Pals HD 

 

Nesta actividade que lles propuxen tiñan que escribir unha historia e tiñan que plasmar o resumo escrito na app de Bamboo e logo grabar a historia con diferentes personaxes con Puppet Pals.

O primeiro que fixen foi ensiñarlles cómo funcionaban as dúas, con que personaxes contaban en Puppet Pals e como funcionaba (pasar polos diferentes escenarios, mover aos personaxes...). Bamboo era moito máis sinxela, pero custoulles máis do esperado escribir na tablet directamente, e non se animaron a facer unha imaxe que representara a súa "obra" xa que esa era outra parte da actividade.

Achego os exemplos que foron elaborados completamente, xa que nalgúns casos non grabaron a actividade final correctamente, e noutros a historia está pouco traballada.

O tempo é un factor esencial e non dispoñiamos de moito, polo que os traballos pode dicirse que están nunha fase inicial. Con máis tempo ou máis práctica estou segura que estarían máis organizados, pero estou moi satisfeita do traballo realizado, xa que o fin era que colaboraran todos e produciran todos.

Reflexión sobre o proxecto Animalandia. 3º EP Ceip Canicouva

O motivo de facer esta actividade con dispositivos móbiles foi claramente por unha cuestión de motivación do alumnado e de fomento da competencia dixital. Os nen@s móstranse moi receptivos a calquera actividade que se lles presente utilizando aplicacións dixitais, xa que a parte de que lles gusta moito usar a tablet tamén son sumamente intuitivos. Así é como, sin darse conta do traballo que supón, apetécelles moitísimos buscar información sobre o seu animal, facer un guión axeitado porque saben que logo se van a ver e os van a ver no blogue da aula, e ensaiar o texto porque desexan facelo ben. Tamén é importante destacar cómo o alumnado que presenta necesidades educativas especiais ou que habitualmente lle costa máis o seguimiento da clase se esforza na actividade (porque lle gusta e motiva) e consigue participar como os demais compañeiros.

Por último comentar que a posta en práctica e a impresión sobre todo o proceso foi excelente, xa que non era a primeira vez que traballábamos con tablets e pódese dicir que xa lles resultan familiares, posto que moitos deles dispoñen de tablets nos seus fogares. Simplemente se trata de que estes dispositivos sexan vistos polos nen@s como unhos recursos máis e que cada vez o seu uso na aula sexa máis regular.

Gloria García Fernández, tutora de 3º EP no CEIP Canicouva

ANIMALANDIA. 3º EP Ceip Canicouva

Documental sobre os nosos animais preferidos.

Esta tarea foi realizada no terceiro curso de educación primaria do CEIP Canicouva no primeiro trimestre do presente curso coa súa profesora @SlowlygloGloria.

Trabállanse estándares de aprendizaxe das áreas de lingua galega e ciencias da natureza e fomenta o desenvolvemento da competencia lingüística, competencia en ciencia, competencia de aprender a aprender e, por supusto, competencia dixital.

Para a súa realización utilizamos a app TouchCaste tamén a app PicCollage. O montaxe o fixemos con a app iMovie.

Proceso da actividade:

• Cada nen@ elixiu o seu animal preferido
• Unha vez elixido o animal, buscou información en Internet acerca das súas características e peculiaridades
• Despois elaborou unha ficha do animal e o guión
• O seguinte paso foi buscar en Internet unha imaxe do animal e outra imaxe do seu hábitat e gardarlas na tablet.
• Sesión de toma de contacto con a app Touch Cast (investigar a app, ver cómo funciona, facer prácticas...) e con a app Pic Collage (xá a coñecían de anteriores actividades).
• Cada alumn@ fai unha presentación do seu animal con a app PicCollage (insertar foto e nome do animal).
• Grabación individual: cada nen@ entra na app, pon o título e o subtítulo da súa sección, inserta o hábitat do animal como fondo de efecto “green screen”, inserta a imaxe do animal como vApps e outro compañeir@ grábao
• Por último, faise o montaxe final de todos os PicCollage e grabacións de TouchCast nunha película iMovie.

Creación final realizada polo alumnado:

POR QUE CON TIC?

A EEI Hernán Cortés sitúase no centro da cidade de Vigo e, actualmente, conta cunha porcentaxe aproximada do 76% de familias de orixe estranxeira. Ao non ter ratio completa ao longo do curso recibimos constantemente novos compañeiros e compañeiras. A pesar de que moitos xa son nacidos en España, os países de orixe das familias condicionan a vida destes nenos e nenas, e iso reflíctese directamente nas conversas, asembleas, intereses, etc. Esta situación fai que moito alumnado, pola súa situación socioeconómica, non teña acceso á rede ou a dispositivos fora do centro.

Cando traballamos coa tablet na aula non hai mais que mirar a cara dos nenos e nenas para xustificar a importancia que ten este tipo de ferramentas nas escolas. Supón un recurso potentísimo para atraer a atención e permite experimentar cousas imposibles noutros formatos. Ademais, como docente resulta gratificante, xa que algúns contidos vólvense mais atractivos. Para reproducir, para editar, para xogar, para crear... Pero, sobre todo, para facer da educación en xeral e da miña escola en particular unha plataforma para formar cidadáns activos en igualdade de condicións independentemente das súa orixe e situación social.

PROXECTO OS VOLCÁNS

Temos a gran sorte de que na nosa escola as cousas que pasan en moitos países do mundo resúltannos significativas.

A EEI Hernán Cortés sitúase no centro da cidade de Vigo e, actualmente, conta cunha porcentaxe aproximada do 76% de familias de orixe estranxeira. Ao non ter ratio completa ao longo do curso recibimos constantemente novos compañeiros e compañeiras. A pesar de que moitos xa son nacidos en España, os países de orixe das familias condicionan a vida destes nenos e nenas, e iso reflíctese directamente nas conversas, asembleas, intereses, etc.

No mes de setembro do pasado ano 2015, un terremoto sacudiu Chile. Alba, de catro anos, contounos que por sorte o seu pai e a súa familia estaban ben. No medio desa conversa, decateime de que algúns alumnos e alumnas confundían os terremotos con volcáns. Foi entón cando formulei a pregunta que, aínda que teño que recoñecer que non tiña moitas expectativas, deu orixe a un dos proxectos mais gratificantes que levei ao cabo: Que tal se investigamos sobre os volcáns?

Iniciámonos na aprendizaxe baseada no pensamento (ABP), realizamos experimentos, traballamos de xeito cooperativo, e, co fin de tocar o máximo de competencias clave, fixemos un obradoiro de realidade aumentada no que podiamos converter un debuxo nun volcán en erupción. O traballo coa tablet foi o complemento perfecto para as outras metodoloxías. Sen dúbida repetiremos.