“NA PEL DOS ANIMAIS”

AUDIOLIBRO NO CEP SANTA MARIÑA

ARTIGO DE CREACIÓN DE AULA:

CREACIÓN DUN AUDIOLIBRO DE

MULLERES ESQUECIDAS AO LONGO DA HISTORIA

No segundo nivel do CEP Santa Mariña estamos a desenvolver un proxecto educativo durante este curso que consiste e volver a contar a historia da Humanidade dun xeito positivo desde o punto de vista do xénero, é dicir, incluíndo a historia de moitas mulleres esquecidas e/ou deostadas polos prexuízos machistas.

A actividade que levamos a cabo neste sentido cos ipads foi a de crear un audiolibro onde o noso alumnado lle pon voz a algunhas das  mulleres que ao longo da historia foron silenciadas.

Para levalo a cabo, tendo en conta que dispuñamos de moi pouco tempo, empregamos a app “ Chatterpix-kid” de carácter gratuita e que  se pode descargar en calquera ipad desde o appstore.

Esta app permítenos escoller unha imaxe, gravar un pequeno texto de 30 segundos e facer que a súa boca se mova mentres persiste a voz.

O primeiro paso para cada neno/a  foi o de seleccionar unha muller importante na nosa historia e para isto axudounos o  traballo que xa levamos realizando desde o inicio de curso ao respecto. Empregamos os libros: Cuentos de buenas noches para niñas rebeldes I e II e Pioneiras.

Unha vez que a tiñan elixida debían cubrir unha ficha sobre ela:

E para poder facelo tiñan que investigar utilizando os recursos da aula incluídas as tablets.

Tras cubrila elaborabamos un pequeno texto que sería o que despois debían gravar, onde dicían o nome da muller e o máis significativo desta. Este fragmento levábano para casa para lelo con moita soltura xa que só dispuñan de 30 segundos.

Tamén, debían buscar unha imaxe de internet da persoa seleccionada e descargala no IPAD para poder usala no programa.

Unha vez que tiñan o texto e a imaxe xa estaban preparados/as para proceder á gravación da súa parte do libro.

O Chattepix-kids é moi sinxelo de utilizar e só hai que seguir os pasos que se indica: Primeiro selcecionar a imaxe da nosa muller, despois marcarlle a súa boca para que se mova correctamente, despois facer a gravación do texto e, por últim,o escribir o seu nome. Unha vez rematado gárdase no dispositivo.

Estas son algunhas das mulleres que escollimos (Rosa Parks,Nefertiti, Isabel Zendal…)

Podedes ver o noso traballo rematado no seguinte enlace ou na web do noso centro:

https://youtu.be/VfzWGcm6ecc

ARTIGO DE REFLEXIÓN:

NOVAS FERRAMENTAS DE MOTIVACIÓN E APRENDIZAXE

NAS AULAS DO CEP SANTA  MARIÑA

Durante practicamente todo o mes de novembro o alumnado de segundo de primaria do noso centro puido contar con IPADS na aula. Como somos 3 aulas bastante numerosas distribuímos equitativamente por semanas o tempo destas en cada unha das clases.

No noso traballo diario empregamos métodos de acción cooperativos e traballamos en grupo polo que a distribución foi dunha tablet por equipo.

Foi un primeiro contacto dos nenos e nenas con estes dispositivos no ámbito escolar polo que o noso principal obxectivo era darlles a  entender que non só serven para ver “Youtube” e que, ademais, hai moitos xogos moi produtivos e divertidos para as nosas mentes.

Durante eses días os que non coñecían as tablets tiveron o seu primeiro contacto e, os que non, descubriron novos xogos e utilidades motivadoras e educativas.

Investigamos, escribimos e utilizamos algunhas apps como: Rockbotic, Chatterpix-kid, e-Tabú, Flow Free, Memorado…

    

En fin, quedóusenos curta a experiencia e gustaríanos podelas ter durante moito máis tempo. Para o ano intentaremos repetir.

TALLER DE CREACIÓN MUSICAL CON APPS

ARTIGO 1. CREACIÓN DE AULA

·         Título: Taller de creación musical con APPS

·         Alumnado e centro educativo: O alumnado que participou neste proxecto foi todo o centro incluído ed. Infantil excepto algunha clase como quinto A ou primeiro A que non puideron realizar o taller debido a outras actividades extraescolares.

·         Contido curricular ou competencia clave destacada traballada coa actividade: No que se refire ao contido curricular, esta actividade enmárcase dentro da competencia dixital que rixe a LOMCE. Concretamente, o obxetivo fundamental desta actividade é fomentar o desenvolvemento da creatividade do alumnado a través de aplicacións en dispositivos móbiles (IPADS) fomentando situacións de uso responsable e traballando a motivación constante mediante un importante centro de interese do alumnado.

·         Proceso da actividade: O proceso en tódolos casos foi moi semellante: Utilicei un adaptador VGA para IPAD para que conectase coa miña PDI e posteriormente explicaba o funcionamento básico da aplicación na pizarra dixital e algunhas das súas utilidades máis destacadas e a continuación comezaba o proceso de creación basado na experimentación de forma práctica (normalmente 1 IPAD por parella).

·         Creación realizada, é dicir, el obxeto final, o producto realizado: pódese ver nos vídeos e presentacións que se amosan a continuación no artigo do blogue de música do centro nos seguintes enlaces.

http://musicascativas.blogspot.com/2018/06/taller-de-ipads.html

http://musicascativas.wixsite.com/musipads18

ARTIGO 2. REFLEXIÓN

Título: Aprendixaxe práctica.

As novas tecnoloxías están cada vez máis presentes nas nosas vidas e sobre todo nas vidas do noso alumnado. De aquí xurde a idea de utilizar as tablets na aula para traballar determinados aspectos musicais dunha forma nova, distinta e ao mesmo tempo motivadora para o alumnado. Non é habitual traballar con tablets na aula no noso centro e esta foi a terceira vez que realizamos esta experiencia e de seguro que repetiremos xa que resultou moi positiva, innovadora e motivadora para o alumnado que participou nesta actividade. Desta maneira, alumnos que normalmente se amosan pouco motivados e participativos nalgunhas clases, sentíronse enganchados dende o primeiro momento e o resultado final que acadaron na súa actividade foi máis satisfactoria do que nun principio se agardaba.

Esta tamén foi unha moi boa ocasión para ofrecerlles un enfoque distinto das tablets, xa que utilizamos esta actividade para traballar o uso responsable dos dispositivos móbiles e o reflexionar sobre o consumo que fan deste tipo de dispositivos.

A posta en práctica foi moi boa xa que non houbo ningún tipo de problema técnico de conexión, fallos nas aplicacións polo que o seu traballo dentro da aplicación foi intenso logo da breve explicación do funcionamento básico.

Este ano experimentaron con apps novas polo que a diferenza do ano pasado resultou moito máis motivador e positivo nos resultados. Por outro lado, este ano o taller fíxose extensivo a infantil, polo que o alumnado de 3, 4 e 5 anos tamén utilizou as tablets como ferramenta de creación musical.

En liñas xerais, en resumo, foi unha actividade moi positiva, motivadora e innovadora para o alumnado xa que desenvolveron a súa creatividade musical a través de aplicacións en dispositivos móbiles desenvolvendo estratexias colaborativas e traballando outras competencias menos utilizadas dunha forma práctica e divertida.

EXPOSICIÓN DE MULLERES CIENTÍFICAS (8 DE MARZO)

O alumnado de 5º e 6º de primaria do Ceip Plurilingüe Nº1 de Tui investigaron sobre as mulleres científicas da nosa historia.
Cada alumn@ elexiu unha científica e fixo unha redacción sobre a súa biografía en 3ª persoa, despois a pasou a 1ª persoa e en plástica coa teacher cada un fixo un collage co retrato da súa muller.
Despois coa app "Chatter pix" fixeron uns vídeos nos que cada muller científica explicaba quen era e para rematar a tarefa, coa app "Aurasma", e déronlle vida a eses collages, con todos os collages fixeron unha exposición na entrada da biblioteca para que todo a comunidade educativa desfrutara e aprendera deste traballo.

CREACIÓN DE AULA

Neste curso 2017-2018 procurouse fomentar o traballo colaborativo nas nosas aulas e aproveitamos o empréstito das tablets para traballar en diferentes aulas, distintas áreas e competencias. As vantaxes do traballo colaborativo son múltiples:

- Interiorización de normas como: respecto pola opinión dos demais, escoita activa, tanto das explicacións coma das propostas dos compañeiros/as.

- Dirimir entre diferentes opcións de forma pacífica.

- Os alumnos/as son responsables do tempo, avance e de organizarse eles mesmos.

- Fomenta a creatividade.

- Gozan e aprenden ao mesmo tempo con propostas e actividades dinámicas.

Dada a versatilidade que ofrece este recurso, é moi cómodo adaptar as propostas que ofrece á aula, atendendo á materia, contidos a traballar, etc., sempre tendo moi presente que non debemos deixar lugar á improvisación total, dado que perderíamos moito tempo. É imprescindible dominar as ferramentas, apps, contidos a traballar que imos a empregar, para poder obter un rendemento óptimo e sustancial do tempo.

Formuláronse diferentes propostas en diferentes niveis:

- Nos niveis inferiores, realizaron actividades que combinaban diferentes aspectos da área de plástica, matemáticas e lingua, dando un peso importante ao desenvolvemento das habilidades sociais e traballos colaborativos, xa que nalgúns momentos o noso alumnado debía compartir, agardar para empregar a tablet ou colaborar, ademais de realizar actividades propias das materias mencionadas. É moi interesante ver a evolución dos primeiros días, incluso momentos, mentres lles imos guiando, e van desenvolvendo estratexias útiles e efectivas de resolución de conflictos. Desta maneira traballamos de forma global: competencia lingüística e dixital eminentemente, así coma a social e cívica (respecto polos compañeiros/as, traballo en grupo) e a de iniciativa e emprendemento (para elaborar eles mesmos as súas propias produción e historias).

- Nos niveis superiores buscamos diferentes apps nas que se traballaban contidos específicos da materia, como por exemplo: xeografía, historia. Un xeito divertido de enfocar a aprendizaxe, onde os alumnos/as aprendían directamente e relacionaban conceptos.

- Co alumnado con NEAE empregamos diferentes apps, tamén en grupo aproveitando a figura de alumnos/as guía, para traballar aspectos que nos interesaba desenvolver: estimulación sensorial, conceptos básicos, dinámicas motrices e de percepción...

Son moitas as app que podemos empregar con fins educativos, pero algunhas das apps que escollín: Bamboo Paper (https://itunes.apple.com/es/app/bamboo-paper-bloc-de-notas/id443131313?mt=)e Puppet Pals HD (https://itunes.apple.com/es/app/puppet-pals-hd/id342076546?mt=).

                                               


Nunha das actividades que lles propuxen, por exemplo, tiveron que escribir unha historia e tiñan que plasmar o resumo escrito na app de Bamboo e logo grabar a historia con diferentes personaxes con Puppet Pals.

Está claro que o primeiro que hai que facer é explicarlles como funcionan as apps e a finalidade do seu uso, pero dado que son nativos dixitais, en seguida buscan eles e resolven as dificultades que van aparecendo.

O tempo é un factor esencial e non dispoñiamos de moito, polo que con máis tempo ou máis práctica estou segura que estarían máis organizados, pero estou moi satisfeita do traballo realizado, xa que o fin era que colaboraran todos e produciran todos e todas.



REFLEXIÓN

As utilidades das tablets son moitas, ninguén o dubida. Precisamos de maior traballo con elas na aula, para que non sexan só un instrumento de distracción, e poder aproveitar todo o seu potencial. Gran parte do problema é que os nenos non son quen de organizarse, revisar o traballo feito, cooperar en grupo... Pero a única maneira de conseguir isto é facéndoo e que mellor maneira que empregando algo tan atractivo e intuitivo como son as tables.

Temos que ter claro a finalidade do seu uso, como complementaran as nosas materias e buscar concretamente o que se axusta ao noso propósito.

Ao non estar acostumados a empregar este tipo de dispositivos para o fin que se lles propuñía (elaborar unha historia, escribir e creala, traballar en grupo, buscar e empregar apps didácticas) foi difícil acadar un grao de “perfección” axeitado, xa que ven a tablet coma un xoguete case exclusivamente. Estou convencida que se fose algo máis habitual os resultados serían formidables, tanto do que fan, coma do nivel de aprendizaxe que poden acadar co uso desta tecnoloxía. Ademais, este tipo de dispositivos permite un feedback inmediato, polo que os alumnos/as séntense moi motivados e contentos polo seu traballo.

Sen dúbida a experiencia foi moi frutífera e divertida, os nenos/as gozaron e aprenderon contidos da aula e despregaron as súas habilidades artísticas, sociais, de aprender a parender, etc. Colaboraron todos e cada un deles, en pequeno grupo, animándose uns aos outros e aportando todos as súas opinións. Xurdiron pequenos conflitos que tiveron que resolver eles mesmos, pero claramente iso era outra parte da finalidade das actividades.