Funcionamento dunha estación meteorolóxica

FUNCIONAMENTO DUNHA ESTACIÓN METEOROLÓXICA

1ª ACTIVIDADE:

Na aula de 4º a partir da área de ciencias sociais, decidimos construír unha estación meteorolóxica para estudar o tempo atmosférico do “noso patio”.

Aproveitando o empréstito dos Ipad do CFR decidimos facer un vídeo titorial para explicar como funciona cada un dos aparatos que construímos.

Fixémolo cunha adaptación do Grupo de Expertos/as. Tiñamos que estudar 4 aparatos para medir o tempo atmosférico e temos 6 equipos de base con 4 nenos/as cada un, polo que un de cada equipo formou parte do grupo do aparato que se lle asignou.

Tiveron que ler ben as instrucións, repartirse o material que aportaría cada quen, e construílo. Unha vez construído elaboraron un vídeo onde explicaban o seu funcionamento e o que medía.

Os vídeos fixéronos coa App Chatter Pix. A partir dunha mesma fotografía do seu aparato, cada un marcaba unha boca nese obxecto e gravaba un audio coa explicación correspondente.

Unha vez gravados montáronse nun só clip coa App IMovie.

Aquí tendes un par de exemplos o resultado.

http://orecunchodepaula.blogspot.com.es/2017/11/estacion-meteoroloxica-dos-canimonsters.html

2º REFLEXIÓN:

Este tipo de tarefas aumenta a motivación do alumnado, non só polo novidoso, senón por sentir que o seu esforzo serve para axudar a outras persoas a aprender.

A dificultade xurdiu no discurso, a App non supuxo ningún problema. A parte da exposición oral, polo menos na miña titoría, é máis complexa que o manexo da App. É dicir, fallaban porque se equivocaban no que tiñan que dicir, antes que no uso da ferramenta tecnolóxica.

Se grazas a este tipo de tecnoloxía, consigo que o meu alumnado mellore en algo tan básico como a expresión oral, penso que é unha axuda moi beneficiosa e coa que os meus nenos e nenas mellorarán. Polo que a seguiremos empregando.


                                                                                                                 Paula Rey Silva

Titora de 4º de EP do CEIP Canicouva de Vigo

As tablets chegaron á escola

O día  12 de Decembro a profe de Ciencias chegou á nosa clase (5ºA) cunha maleta. Cal foi a nosa sorpresa, cando de dentro sacou 5 tablets. A profe explicounos que iamos traballar con elas en clase, pero claro, eran 5 as tablets e nós 21.

Que iamos facer? Como nos iamos organizar?

Para a nosa sorpresa, non foi eso o que nos preguntou a profe. A súa pregunta foi: "Que credes vós que podemos facer con estas tablets na clase de ciencias? Como as podemos utilizar? Seremos quen de darlle alguna utilidade?" – e tamén- "Cantos tedes ordenador, tablet, portátil, … na casa?", "Cantos podedes utilizar esos equipos?", "Que facedes cando os utilizades?, "Que aplicacións ou programas usades?". Vamos una enquisa en toda regra.

E despois de pensar un pouquiño, ….. "INVESTIGAR" – Foi a nosa resposta. Que é o que máis e mellor facemos. Na aula, nos libros da nosa biblioteca científica , na aula de informática, por que non temos ordenador na aula, …
Algúns tamén dixeron: "Utilizalas nos recunchos" "Nos traballos en equipo", … e outros: "Para xogar, que tamén hai xogos científicos".

Vamos, que de repente tiñamos unha chea de posibilidades diante nosa e moi pouco tempo para levalas a cabo. Pero, ...poderemos levar a cabo todo esto?

Despois de valorar as infinitas posibilidades dos recursos que tiñamos nas nosas mans, vendo o escaso tempo de que dispuñamos, o momento do trimestre (final) e a inexperiencia co material, decidimos orientar o traballo coas tablets básicamente á búsqueda información, traballo en rede, xogos de repaso, …

• Comezamos por complementar a investigación sobre a webquest que estábamos a realizar: Os Ecosistemas.
• Continuamos co traballo de edición e búsqueda de información científica e novas para o noso blog: O noso recuncho da Ciencia
• Para rematar con xogos de repaso dos temas traballados durante o trimestre coa aplicación Kahoot.