A miña experiencia de aula coas tabletas e o universo.

 Son a titora da clase de 2º do CEIP Santiago de Oliveira.
Iste curso dúas das titoras participamos nun grupo de traballo coordinadas polo CFR de Vigo, máis concretamente por Ana Mariño, mentres iamos aprendendo un montón de cousas surxiu a idea da tarefa final do noso traballo, e eleximos facer un libro sobre O UNIVERSO. A experiencia no grupo de traballo foi moi gratificante , voume cinxir ó traballo feito na miña aula, aínda que recomendo unha visita ó blogue que fixemos entre todas para ver o que fixeron as compañeiras .

Na nosa clase traballamos o tema dende distintos enfoques, ademais da área de coñecemento estamos traballando tamén na área de língua e potenciando a nosa imaxinación . Comezamos cunha nova do xornal escolar da Voz de Galicia: Chegou a hora de falar con extraterrestres? que nos deu moitísmo xogo e deu lugar á que voase a nosa imaxinación especulando sobre o tema.

Dando lugar a un amplo debate sobre se cremos que existen os extraterrestres, ou no seu caso vida noutros planetas ( e tamén falamos moito sobre a existencia de auga noutros planetas.. microorganismos..).. sometemos o tema á votación, e o resultado é o que podedes observar na imaxe...

Deixamos voar a nosa imaxinación:   Se foses unha científica ou científico e tivese que enviar unha mensaxe ó espazo que escribirías? Acó tedes algunhas respostas

Despois trocamos os papeis  e démoslle a volta á tortilla..  e a pregunta foi  a seguinte: se tiveses que explicar a un terrícola como é o teu planeta... como o farías...

E tivemos respostas do máis orixinal, planetas onde había miles de cores, formas e tamén moi doces nos que todo absolutamente todo eran lambetadas...

Mentres traballabamos o tema pasou algo que nos chamou moitísimo a atención:  A ECLIPSE, e investigamos moito, miramos artigos de prensa e aprendimos como debíamos observar a eclipse, porqué ocorría e tamén cando sería a próxima... acó vos queda un link ó noso blogue de aula para que vexades canto investigamos sobre a ECLIPSE DO 20 DE MARZO.  

E tamén fixemos o noso libro do universo entre as clases de 1º e 2º que foi a tarefa final do noso grupo de traballo. A copia en "papel" xa está rexistrada na biblioteca do noso centro para o préstamo e un montón de nenos e nenas impacientes por levalo á casa e ensinarllo ás súas familias. Para buscar a información utilizamos, tablet, ordenador, libros, diccionarios, preguntamos, enquisamos..

No noso blogue de aula,  temos unha categoría UNIVERSO na que iremos poñendo todo o relacionado co tema.

Para celebrar os 25 años do lanzamento do telescopio espacial Hubble, a banda granadina Lori Meyers grabou un tema en exclusiva para National Geographic Channel titulado Telescopio Hubble, que xa ten un videoclip!!! E mirámolo hoxe en clase, gustounos moooito moitooo!!

Apps que utilizamos:

Ben, penso que ata o momento so nomeei a APP AUTO RAP, que penso que foi o éxito máis grande na miña aula, porque lles encantou o feito de escoitarse, e logo de poder ser uns "dj" ó uso .. Cando tiñamos o tema algo dominado, fixemos un rap coa APP AUTORAP que tanto nos gusta, coas cousas que máis nos chamaron a atención sobre a temática. O NOSO RAP DO UNIVERSO.:  Lúa lúa. 

Pero utilizamos máis APPs, gustoulles especialmente BAMBOO PAPER , xa que o utilizamos para crear as nosas propias composicións do universo, saíndo unhas obras de artes espectaculares, partindo da base dalgunha imaxe do espazo .

Penso que a segunda aplicación que máis lles gustou foi Toontastic , porque crearon unhas historias aeroespaciais que daban medo. Ademais o feito de poder poñer o título, os autores e que parecese unha película de "verdade" encantoulles. 

Por outra banda a evolución con iste programa foi espectacular, ó comezo non foron conscientes de que os "bonecos" se podían mover e simplemente escollían fondo e persoaxe e falaban, pero despois de experimentar déronse conta de que os bonecos podían ter movemento, que había "ruidos" siderais, que podían escoller músicas distintas para cada escea, remataron facendo un "story board" para ter claro como dividirse o traballo . Istas historias fixéronas en pequeno grupo porque obviamente os 21 a un tempo era un pouco inviable. É unha aplicación de pago, pero realmente realmente merece a pena, por todo o que se pode facer con ela.

Outra das APPs que tamén inspeccionamos foi Thinglink , buscamos unha imaxe do universo que nos gustou, e comezamos a escribir oracións relacionadas, coma que a lúa é un satélite, o sol é unha estrela, o nome dos planetas, despois descubrimos que tamén podíamos asociar imaxes, e ai! cando nos demos conta que igualmente cos vídeos. Acó tiven un erro de novata: non creei unha conta propia de thinglink e agora o material elaborado perdeuse na rede, pero a experiencia foi ben interesante.

Outra das aplicacións que tamén utilizamos para o proxecto foi  Visual Poetry - Word Collage. Con ela fixemos nubes de palabras relacionadas co universo, fomos aportando ideas, cousas que nos viñan á cabeza e xuntámolas. Personalmente son máis fan de Tagxedo.

E bueno outras aplicacións que utilizamos son e ChatterPix Kids, Sock Puppets ista última fascinoulles igualmente, pero como eran tantos tivemos que facer pequenos grupos, elexir os fondos, vestiario, persoaxes e era complicado que aguantasen a non falar todos e todas a un tempo así que ó final fixemos quendas, e partíanse cando escoitaban as súas voces distorsionadas.

Unha das compañeiras, Isabel , creou un symbaloo con todo o material que fomos atopando sobre o universo, que non foi pouco, acó vos queda, por se pode ser útil.UNIVERSO 

APRENDERON UN MONTÓN E DIVERTÍRONSE MOITO.

EU ERA VIRXE: A MIÑA EXPERIENCIA COAS TABLETS

Iste ano fixemos un grupo de traballo, “ Integración dos dispositivos móbiles nas nosas aulas” coordinadas por Aña Mariño, diste grupo de traballo naceu un blogue ( AS REBULDEIRAS), un twitter (as_rebuldeiras) e un montón de ideas e ganas de aprender e traballar.

 O noso grupo de traballo era intercentros, de feito de Oliveira, o meu centro base, so eramos dúas mestras, o resto eran dos centros de As Neves, Salceda de Caselas, Seixalbo e Punxín, dista mistura de 7 persoas tan distintas xurdiu un grupo ben interesante.  A variedade ía dende infantil ata 6º de primaria, aínda que o groso dábamos clase en 1º e 2º de primaria )

 Ben, son unha mestra á que lle gusta usar as tecnoloxías, estou encantada co meu proxector, e o meu ordenador de aula (quen tivera máis..) e gústame que o meu alumnado de 2º de primaria se desenvolva pola rede. Temos varias listas de reproducción no SPOTIFY , unha de “bailongo” outra máis “tranqui” para os momentos de traballo, na que eles e ellas van propoñendo música.. 

Teño un blogue de aula, que comecei cando cheguei ó meu centro,  no que imos contando as cousiñas que facemos na aula, para compartilas co mundo... E iste ano lanzámonos a utilización do CLASS DOJO que teño que dicir que foi unha aposta marabillosa e que recomendo a todo o mundo, a min , ó meu alumnado e ás familias encantoulles...

 Feita ista introducción, teño que dicir que eu era VIRXE, nunca utilizara unha tablet, e menos un IPAD, ata que a nosa asesora puxo unha nas nosas mans, e é máis pretendeu que utilizaramos algunhas APPs na nosa práctica educativa. Aprendo rápido, e bueno empecei a usalas co meu alumnado (xa que nos emprestaron un IPAD para o grupo), primeiro tanteando un pouco como se desenvolvían, practicando e despois encauzando coa temática da nosa tarefa no grupo O UNIVERSO... Fomos aprendendo a un tempo eles e eu, e bueno encantoulles, teño que dicir que trataron a tablet con coidado espectacular, compartiron (e eran 21) en quendas, participaron, propuxeron e implicáronse totalmente. Comezamos usando as 5 APPS que nos presentou Ana, ( no blogue das rebuldeiras podedes ver unha escolma) encauzándoas co tema do universo, e despois xa se nos foi das mans, e utilizamos algunha que outra APP, cunha motivación total e absoluta.  

Segundo iamos avanzando, e utilizando as APPs na aula tamén fomos compartindo a información con outras compañeiras do centro, que á súa vez nos falaron doutras aplicacións ( ai, a realidade aumentada!!) e foi unha boa simbiose.

Eu non teño tablet, a nosa coordinadora do grupo de traballo, o CFR de Vigo, deixounos unha para utilizar todas, fómola rotando, porque aínda que todas tiñan, seica non é o mesmo unha normal que un IPAD, rotámola aínda que maioritariamente utiliceina eu.

O meu alumnado respondeu cunha motivación total e absoluta, están acostumados/as a traballar en equipo así que non foi complicado facer grupos e asignar tarefas para que todos e todas puidesen participar. Son responsables no feito de establecer as quendas e ver que participan igualmente, teñen un alto sentido do que é xusto. Trataron a tablet con inmenso coidado, sabedores de que "ma prestaran" e foi algo que me sorprendeu gratamente. 

Con todo, aprendín unha barbaridade, o meu alumnado tamén ( pero penso que eles e ellas xa son “nativ@s dixitais” ) e imos cara unha educación onde o alumnado cada vez é máis autónomo e proclive a crear as súas aprendizaxes, co que entendo que deberamos estar aí para acompañalos e compartir con eles. Con todo isto créaseme unha dúbida, eu non tiña tablet, non teño tablet, cuestiónome mercar unha, pero xurde unha dúbida, se é propia ata que punto utilizala na aula é ético , pero por outra banda, os presupostos dos centros en xeral, non dan para moito, pero mercar unha tablet por aula é factible? .
Porque a maioría do profesorado que coñezo leva as súas propias tablets á aula baixo a súa conta e risco... Para min acó ábrese un debate...

Tamén penso que co mundo de APPs interesantes que temos á nosa disposición, e na que hai un grande número recollidas no "proxecto #guappis"  considero tamén  importante o feito de seleccionar as APPs, de non deixarnos levar porque isto é chulo , isto vailles gustar ( porque co da realidade aumentada, non vos conto o ben que o pasaron) e quizais esquilmar o que realmente máis partido lle poidamos tirar nas nosas aulas ( aínda que claro isto é coma ser unha nena e entrar nunha xoguetería..., difícil a escolla...) 

Para min  e para o meu alumnado foi unha experiencia altamente positiva.










NOTA: este artigo foi escrito en xullo 2014 

Creamos personaxes con voz

Aplicación: ChatterPix Kid

Precio: gratis

Dispositivo: iPad 

Proceso:

Esta actividade consiste en crear personaxes con voz real e fíxose o seguinte:

Cada neno fixo a súa flor e presentouse co seu nome.

Unha imaxe con palabras

 

Aplicación: Visual Poetry

Precio: 1.99€

Dispositivo: iPad 

Proceso:

Consiste en compoñer unha imaxe con palabras sendo algúns exemplos levados a cabo na aula os seguintes:

A primeira imaxe foi realizada como parte do proxecto da auga. 

Os nenos escribiron as palabras e elixiron a imaxe A na que plasmalas.

 

A segunda imaxe foi realizada como parte de traballo para a conmemoración para a paz.

Reflexión sobre a actividade "Unha animalada de primeira"

Concretamente para este tipo de tarefa foi imprescindible solicitar ao CEFORE dous dispositivos IPad  a maiores, xa que a actividade tiña como  obxectivo que todos os nenos e nenas estivesen a traballar no proxecto ao mesmo  tempo, polo que necesitamos catro tablets para as tres estacións que ían traballar con estes dispositivos.

A presenza de dúas profesoras na aula, segundo como se presentou a actividade, foi imprescindible, sobre todo porque se utilizaron  espazos diferentes, e porque sempre xurden dúbidas nos nenos que precisan de atención inmediata.

Tras esta primeira experiencia son moitas as gañas de continuar nesta liña, o resultado final foi mais positivo do esperado, non so aportou motivación senón que aumentou a atención e a responsabilidade dos nenos e nenas, e axudou a conseguir e fixar os estándares que queriamos obter.  Por ser algo novo para nós e para os alumnos,  houbo pequenos erros de principiantes da nosa parte e un aumento da excitación dos nenos, calquera destes dous aspectos son claramente remediables facendo que, as tablets pasen a formar parte da rutina das nosas clases.

A  hora de publicar o traballo, tivemos a inestimable cooperación das nosas asesoras do CEFORE, Cris Puga e Ana Mariño, e imprecindible para nós darlles as grazas dende este artigo.

Artigo publicado por: Conchi Orellana e Manuela Fernández (Ceip A Paz Tintureira)

UNHA ANIMALADA DE PRIMEIRA

Este é o título da tarefa realizada cun grupo de rapaces de primeiro curso do CEIP A Paz (Tintureira).  

O Trailer do proceso de creación do diccionario, realizado coa app iMovie:

Aproveitando que as dúas mestras, a titora e a especialista de inglés,  estábamos a traballar os animais  cos rapaces, decidimos unificar o noso traballo facendo unha actividade conxunta sobre este tema. Desta maneira xurdiu a idea de facer unha tarefa cuxo produto fora un dicionario bilingüe galego-inglés  sobre esta temática, para deixalo coma un recurso mais no ordenador da aula,ou na da biblioteca do centro.

A pouca experiencia persoal  no uso das tablets dentro da aula, xunto co feito de que sería a primeira toma de contacto dos rapaces con estes dispositivos dentro da aula, obrigounos a planificar atentamente cada un dos aspectos  organizativos.

Unha vez que tivemos claro, o que queríamos facer e para que, pensamos na forma de lévalo a cabo, dun xeito no que todo o alumnado participará e interactuara, cooperando se fose necesario.

ORGANIZACIÓN E RECURSOS

Fixemos 6 equipos de 4 /5 persoas e creamos unha yincana con seis estacións de traballo, nas que cada grupo  traballaría en cada unha uns 12 min. pasando logo  a seguinte estación; tres para o uso das TABLETS en equipos (Apps: Lesoon Create, Tellagami e gravación dunha  entrevista  para a suposta  tele do noso centro “teletintureira”; entre cada unha, puxemos estacións para voltar a calma, con traballo máis relaxado, creación de puzles  de animais, elaboración dun guión para a entrevista, e composición dun sobre para gardar os puzles da estación anterior.

Reflexión persoal do uso da tableta por Mónica Muñoz

Hai ano e medio decidín regalarme un ipad. Cría firmemente nas súas posibilidades educativas. Mais a falta de tempo e o meu posicionamento de non empezar a descargar apps ó tolo, senon empregar aquelas realmente útiles foron postergando a miña incorporación efectiva a este mundo. 

O curso pasado o CFR de Vigo ofertou un curso sobre iPads. Por suposto, apunteime (era a oportunidade que esperaba) e alí foron contestadas todas as miñas preguntas e inquedanzas. 

O primeiro que me gustaría salientar é que os ipad son, ó meu modo de ver, o instrumento idóneo para traballar as competencias na aula. Nos últimos anos víñame preocupando a obsesión dos docentes (no que respecta ás tecnoloxías) por dominar a técnica, por coñecer un montón de programas, por que os resultados visuais resultaran "espectaculares". Sen embargo (sempre segundo a miña opinión) despreocupabámonos do contido: as tecnoloxías non estaban axudando a mellorar a expresión escrita do noso alumnado, nin a desenvolver as capacidades de selección, análise, síntese ou reelaboración dunha información dada. 

Por todo isto, coido que a vistosidade dos resultados e a sinxeleza de uso dos ipads permítennos incidir no realmente importante: no que queremos contar. 

Dada esta convicción, dende o Equipo de Biblioteca decidimos dar un pequeno paso de cara ó uso destas tecnoloxías. Pero, antes de mercar ningún terminal, aceptamos o ofrecemento do CFR e preparamos unha Xornada de Formación co profesorado do centro. 

Dividímonos en diversos equipos (por ciclos ou especialidades) e adxudicamos a cada equipo unha tarefa a desenvolver cunha determinada app:

• En Educación Infantil, 1º e 2º de Primaria co Thinglink;
• En 3º e 4º de Primaria con Snapguide;
• En 5º e 6º de Primaria con Storehouse;
• O profesorado do Departamento de Orientación con Toontastic;
• Os especialistas de Lingua Estranxeira, Educación Física e Relixión con  Creappcuentos. 

Neste enlace podedes ver a nova desta Xornada de Formación recollida no blog da nosa Biblioteca: 

---

Previamente, elaboramos uns titoriais sobre estas ferramentas, e analizamos algunhas das súas posibilidades de uso nun artigo escrito empregando Storehouse: 

https://www.storehouse.co/stories/t8eu4-apps-para-fomentar-a-escrita

Con esta mesma ferramenta, as titoras do Terceiro Ciclo elaboraron esta reseña da Xornada: 

https://www.storehouse.co/stories/o7r3x-ipad-entra-na-nosa-vida

Evidentemente, ante o novo sempre hai moitas reticencias e moitas excusas (que si o prezo, que si o software libre...). Para mín esta experiencia cos profes é un reflexo do que pode ser traballar cos alumnos: ten sido motivadora, ten fomentado o traballo en equipo, ten permitido a integración de múltiples competencias (a comprensión lectora, a expresión escrita, a relación social, o uso das tecnoloxías...). Pero isto é como un iceberg. Só podemos ver o 10% da súa superficie. O mellor está oculto. Así que... seguiremos investigando!

--

Mónica Muñoz Sobrino

CEIP Frian - Teis

Exemplo práctico de uso na aula

Aplicación: I-nigma

Prezo: gratuíto

Dispositivo: iPad e tamén disponible en Android
Descarga en APP Store
Descarga en Google Play

O primeiro achegamento do noso alumnado ós ipad foi co gallo da celebración do Día das Bibliotecas Escolares (24 de outubro). Interesabanos moito motivar ó alumnado de cara ó inicio do noso PDI anual, polo que quixemos involucralos nunha tarefa de investigación na que puxeran en xogo múltiples habilidades: a comprensión lectora, o traballo en equipo, o uso das novas tecnoloxías, as búsquedas eficaces en Google, a lectura de textos discontínuos (imaxes e mapas), as capacidades de síntese e relación...

Os lectores de códigos QR semellan unha ferramenta idónea para pasar de xeito sinxelo do formato papel ó formato dixital. Ese foi o medio que empregamos, pois, para introducir ó noso alumnado na celebración dun feito singular que acaeceu no 2014: o centenario do descubrimento do Pergamiño Vindel, onde aparecen recollidas as sete Cantigas de Martín Códax. 

O Equipo de Biblioteca, tras investigar na Rede, creou un código QR para acceder á información sobre o Pergamiño Vindel que nos pareceu máis axeitada para o noso alumnado (1º a 6º curso de Primaria). Para iso empregamos un xerador gratuíto de códigos QR de Google (goo.gl). Impreso en papel o dito código, os alumnos só tiveron que escanealo cos ipad, empregando para iso a aplicación gratuíta I-nigma. 

O proceso seguido na actividade podedes lelo neste enlace do blog da nosa Biblioteca: 

http://olardefriancinho.blogspot.com.es/2014/10/asi-celebramos.html

Resultou sorprendente a capacidade de observación e de relación dos rapaces. Enseguida (incluso sen ter na súa casa tabletas dixitais) adiviñaron que o símbolo pegado no reverso da copia do Pergamiño Vindel era un código QR, e que tiñamos que escanealo co ipad. Ademais, a motivación foi moi elevada. 

Pero, a nivel educativo, creo que resulta moi interesante a capacidade dos códigos QR para relacionar un documento escrito co mundo virtual, de xeito moito máis sinxelo a como viñamos facendo ata o de agora (probastes algunha vez a copiar unha dirección URL moi longa...?; seguro que vos equivocastes moitas veces). Co ipad, o proceso resulta inmediato e sen problemas. E como estas aplicacións tamén podemos descargalas nos móbiles, xa non dependemos de conexións a Internet. Un modo de expandir tamén a nosa actividade non só entre o noso alumnado, senon tamén entre as súas familias. 

--

Mónica Muñoz Sobrino

CEIP Frian - Teis

Curso 2014/2015

A partir deste artigo publicaremos todo o relacionado co novo curso.

Deixamos enlace ao symbaloo onde xa temos moitas cousas e pouco a pouco engadiremos novidades. Pincha na imaxe se queres acceder a él.